Sveittu svínkurnar

Nýtt blogg

2005-05-23T23:00:00.000Z

jæja stofnaði nýtt blogg á blog.central.is sem heitir www.blog.central.is/ilovecookies en kann ekki alveg nógu vel á það þannig að e-r sem er rosalega góður á tölvum má fixa þetta.. ég sendi ykkur síðan notendanafn og password í emaili. Og ef einhver er ósátt þá bara breytum við aftur. Allir að segja það sem þeim í brjósti býr og muniði að vera góðar við náungann því lífið er bara of stutt fyrir bögg.
Alf

Fýla

2005-05-21T00:46:00.000Z

Ég er í fýlu út í "heimabæinn" minn Kópavoginn eða réttara sagt Kúkavoginn. Það vill svo til að mig langar að fara niður í bæ og fá mér einn eða tvo drykki en er föst hérna!! Ég tími ómögulega að taka leigubíl niður í bæ og heim aftur, því það yrði ansi dýrt kvöld skal ég segja ykkur. Bjór+bjór+leigubíll+leigubíll=4200kr, ég veit ekki með ykkur en svona mikið borga ég ekki fyrir tvo drykki.
Annað sem mér finnst óþolandi eða öllu heldur stórfurðulegt fyrirbæri eru fegurðarsamkeppnir, er það bara ég eða eru þær allar eins?? Ég gerði í alvörunni tilraun til að reyna að greina á milli þeirra en allt kom fyrir ekki það var ekki hægt. Hvernig í ósköpunum er hægt að fá endalausar stelpur til að taka þátt í þessum keppnum á þessu litla landi?? Ég skil ekki hvað vekur fyrir þessum stelpum, hvað fá þær eiginlega út úr því að spóka sig um á bikiní og ljótum prinsessukjólum fyrir alþjóð?? Ætli þær hafi vaknað einn daginn og hugsað með sér ohhh mig langar svo að verða fegurðardrottning og ákveðið að skrá sig, sorry ég bara næ ekki tilganginum!
Jæja ætla að fara í háttinn og sofa úr mér fýluna ég held að það sé mér og öllum fyrir bestu!! See ya túmorró girlies

Nöldur alf

2005-05-19T12:10:00.000Z

Jæja hinn vikulegi alfbögg dálkur álfrúnar er hafinn. Ég legg til að við breytum þessu nafni hið snarasta, jafnvel núna bara og færum bloggið yfir í blog.central, það er kannski ekki hægt að gera jafnmikla fídusa þar en fyrir svona tölvulúða eins og okkur held ég að það sé betra að vera þar... Ætla samt ekki að vera neinn diktator og ráða þessu ein, en ef enginn kemur með tillögu innan 5 mínútna þá breyti ég nafninu í blog.central.is/alfrunogco neiiii bara grín, en drífiði ykkur samt að koma með eitthvað nafn stelpuálftir. Og já ég tók próf á netinu um daginn "What famous leader are you?" og bjóst við útkomu eins og Gandhi en nei ég er víst Hitler. Og þar hafiði það.

Adolf Hitler

Crazy afmælis og júróvision party!!!

2005-05-18T14:35:00.000Z

Í tilefni þess að ég er að blogga hérna í fyrsta sinn verð ég nú að koma með eitthvað skemmtilegt og því ætla ég að auglýsa hér afmælis og eurovision partý heima hjá mér á lau :)
Er ekki góður stemmari fyrir því?? Mæting er kl. 19 fyrir þá sem vilja ekki missa af eurovision.

Vonandi sjáumst við sem flestar....

P.s. þetta er á nýja staðnum í skipholti 50f, fyrir aftan pítuna.

Auglýst eftir Ellu!!

2005-05-15T22:31:00.000Z

Kæra Ella...

Vinsamlegast hafðu samband sem allra fyrst við okkur stúlkukindurnar, þín er sárt saknað!
Partý í kvöld hjá Unu, láttu sjá þig....

Ísland gamla Ísland

2005-05-12T18:02:00.000Z

Komin aftur á frónið með nýbúan með mér. Eftir mikinn farangur og draslagang í gegnum flugvöllinn, 5 bjóra á mann og ærslagang lentum við loksins í Keflavík þar sem valdasvelti vegabréfsskoðunarmaðurinn tók að yfirheyra James um komu hans til Íslands.
How long are you staying? What will you be doing?
Fyrirgefðu, hvað í andskotanum kemur þér það við? Hvað er málið? það tók mig ekki langan tíma að pirrast á smáborgarlegheitunum og spyrja hvort þetta skipti virkilega máli, með 20 metra langa röð fyrir aftan okkur, 15 kg þungan handfarangur á bakinu og óbærilega heita flugstöð hreytti hann út úr sér EIGINLEGA og lét hann aftur fá vegabréfið. Gaman að vita hvernig við tökum á móti útlendingum sem koma til landsins. Ef Rebella hefði verið í essinnu sínu hefði ég byrjað að telja upp réttindi ES borgara hér á landi, þar sem ég er útlesin fram og aftur um dvalarleyfi nýbúans. grrrrrrrrrr
En allavega ágætt að vera komin heim, rétt á meðan maður getur hunsað dónalega framkomu kassadömunar í Bónus og hallærislegar fréttir um morgunógleði Lindu Pé.
Hlakka ekkert smá til að hitta ykkur yfir öllara eða djammi á laugardaginn.

Kiss kiss kiss

Rebella

2005-05-10T21:31:00.000Z

Ég var að kaupa mér kjól, ekki þú liggaliggalái

Shizzolate that shit

2005-05-10T21:09:00.000Z

Í einum af mínum klst.legu bloggrúntum rakst ég þessa frábæru Snoop-leitarsíðu! já þó sumum okkar sé ekki vel við Snoop (nefni engin nöfn..) þá veit ég að þetta gleður Seina og Seinari (skulum ekkert fara út í hvor er Seinari...)jafnmikið og mig.
Tadamm,,,,The Shizzolator http://www.asksnoop.com/

Alf Friedman

Stressed out???

2005-05-04T13:33:00.000Z

Var að vakna eftir siestu í vinnunni...fæ alltaf klukkutíma blund með litlu hnoðrunum mínum á leikskólanum. Ljúft!!!
En er samt svefndrukkin og sjúskuð með hárið úti loftið að háma í mig M&M, einhver var að koma frá Ítalíu með fríhafnar-nammi namm.Vona að sykurinn vekji mig...
Dreymdi kreisí draum: Var að elta bleika pardusinn með honum afa( frá Noregi) um alla Berlín...freaky shit! og tilgangurinn þessa eltingarleiks var að banna bleika pardus að stela ömmu!....
Get ekki alveg lesið úr þessum draum...eina kannski með viti er það að við vorum í Berlín, en ég og Kjarri erum einmitt að fara þangað í sumar.
Hef aldrei komið þangað en vona að sé jafn falleg og var í draumnum , og allir segja.
Ætlum svo að taka lest til Kráká og skoða aðeins Pólland. Mun þá fá að heyra tungumál sem fær mig til að hugsa meir um rússneskuna ;)

Ég hef voða lítið fengið tækifæri til að hitta ykkur duglegu skólastúlkur...farin að sakna ykkar! En þetta styttist óðum...bara 1 og hálf vika...jeieieieieiei!
Skal hugsa ofsalega fallega til ykkar og senda genius strauma til ykkar! You're all gonna make it!

"I really know how it feels to be-stressed out, stressed out, we're gonna make those things work out eventually"...("Stressed out" -A tribe called quest)

Hugmynd ...

2005-05-01T22:22:00.000Z

Langar engan að breyta nafninu á þessu bloggi og hafa það meira "sófistikeited".. eða er ég voðalega leiðinleg ?? Æii kannski er ég bara e-ð pjöttuð, mér finnst þetta nafn bara doldið ...

Allavega, þetta var bara smá hugmynd .. ekkert meira :)

Au revoir mes amis

Álfrún pjattrófa

Hápunktur vikunar

2005-05-01T19:26:00.000Z

Svona örlítið til að bæta á bjartsýnina á síðunni, þá er ég búin að útbúa lista yfir þá hluti er veita mér gleði þessa dagana:

-Sjoppuferðir (létta lundina)
-Svefn (er góður og jafnvel of góður)
-Sund (jafnast á við gott djamm)
-Snakk, nammi, kók og Magic er allt yndislegt
-Djúpa laugin (er afar gott heiladautt efni, svo ég tali nú ekki um Dj-ana, they rock!!;)
-Americas next top model er skemmtilegasti þáttur í heimi
-Náttbuxurnar mínar eru þægilegar
-Netið er skemmtilegt

-....og haha gönguferðin okkar Steinunnar í gegnum miðbæ Reykjavíkur klukkan 2:30 í nótt... Við vorum nefnilega að flytja út úr lærdómshúsinu okkar á Bjargarstíg og ákváðum einhverja hluta vegna að labba í gegnum bæinn á leiðinni til Steinunnar. Ekki nóg með það að við vorum báðar úldnar með gleraugu þá héldum við báðar á bunka af möppum og skólabókum, og ég sver fyrir því ég hef sjaldan fengið jafn mikla athygli í miðbæ Reykjarvíkur... við áttuðum okkur aðeins of seint á því hversu fáránlegt þetta væri, þetta leit meira út eins og eitthvert show off hjá okkur: Hey sjáiði okkur hvað við erum klárar að læra á laugardegi, eitthvað annað en þið þarna rónarnir ykkar!!! Gullkorn gönguferðarinnar var þegar einn gaur kallaði á eftir okkur "hey stærðfræði 300??"
Jáhá þetta var svo sannarlega hápunktur vikunnar, ef ekki bara mánaðarins!!!!

Good luck my friends

2005-05-01T01:02:00.000Z

Þetta er Egill. Hann er nörd og ég teiknaði hann.

2005-04-30T15:17:00.000Z

vííí

2005-04-30T15:15:00.000Z

bööö

Pirringur

2005-04-27T19:53:00.000Z

Hlutir sem fara í taugarnar á mér þessa dagana:

Veðrið - afhverju er alltaf gott veður þegar það eru próf ??
Vænt fólk - fólk sem er alltaf í góðu skapi og allt er alltaf svo frábært, í hvaða veruleika lifa þessir einstaklingar
Pabbastrákar
Bjór - því ég fæ ekki að drekk´ann
Gelgjur sem hlæja að mér á bókhlöðunni
Tíminn - af því að hann er mér í óhag þessa dagana
Fólk sem er búið að glósa allt í vetur
Buxur sem ná ekki yfir rassaskoruna - ég vil ekki sjá rassahár í matartímanum
Óléttur - gera mig ruglaða í ríminu
Próf - af augljósum ástæðum
Peningar! - afhverju eru þeir ekki í veskinu mínu ??
Ég sjálf - fyrir að vera ekki skipulögð og öguð

Aurevoir

Álfrún

Summer summer summertime

2005-04-22T10:17:00.000Z

Íhah! Sumardagurinn fyrsti búinn og nú er sumarið virkilega að koma!
Elska þennan tíma...þegar krókusarnir eru farnir að koma uppúr moldinni og hægt að fara að hjóla aftur....langar bara í hvítvín og skelfisk alla daga. ;)
Skil samt ykkur duglegu námsmenn að andinn sé kannski ekki kominn jafn sterkt yfir ykkur ennþá-en það gerist um leið og komist útúr skólanum og eruð hamingjusamar útaf góðum einkunnum:) Ég hef fulla trú á ykkur öllum!!!

Ég get ekki beðið eftir að fara í skóla. Er að fara að skrá mig í norsku í háskólanum, svona til vonar og vara ef ég kemst ekki inní rússnesku í háskólanum í Köbenhavn. Fæ ekki að vita hvort ég kemst fyrr en í lok júlí....
Ég fann út að þar sem tungumál eru eftst á lista yfir hvað mig langar að læra þá er ekki svo vitlaust að taka norsku í HÍ-gæti kannski blandað henni eitthvað saman við rússneskuna....það aragrúir allt af rússum og fleiri austur-evrópubúum í Noregi.
Ég er einmitt að læra rússsnesku hjá Norræna félaginu og ég er algjört nerd,búin að undirbúa mig rosalega mikið fyrir hvern tíma, samt eru þetta bara svona hobbý tímar og lítill metnaður þannig lagað séð-ekkert próf eða neitt. Ég er bara með þetta tungumál á heilanum.
Helvíski háskóli að geta ekki boðið uppá þetta tungumál! ARRG!

Nú verð að koma mér í kúkableyjur og annað skemmtilega. Svo er svokallaður vinafundur þar sem allir koma saman og syngja og leikrit og fleira gaman. Og afmælisbörn fá gullskykkju og eru krínd,líka fóstrur og fóstrar. Tóta og Birna þið verðið að fá vinnu hérna, verður svooo gaman! og þú færð skykkju Tóta þegar þú átt afmæli í sumar og ALLIR syngja fyrir þig!!!

Au revoir! við sem förum í afmælið til Bjarna sjáumst á laugardaginn:)

Og ekki gleyma Djúpu lauginni! aðal þátturinn!

Ha!!! eru að koma próf??

2005-04-20T16:25:00.000Z

Ég vaknaði upp við vondan draum á síðasta mánudag þegar ég áttaði mig á því að ég væri að fara í fyrsta prófið mitt í næstu viku. Einhvernveginn hljómar það betur að vera að fara í próf eftir 13 daga, NÆSTA vika hljómar svo óhugnalega eitthvað. Hvernig stendur samt á því að allt í einu er að koma maí og mér finnst ég vera nýbyrjuð í skólanum? Getur einhver sagt mér hvað í fjáranum ég er búin að vera að gera í vetur!! Ekki er ég búin að vera læra( svona miðað við allan frumlesturinn sem ég á eftir), ekki er ég búin að horfa mikið á video né fara í bíó, ekki búin að djamma mikið (seinni part veturs allavegana) og ekki er ég búin að vera að vinna mikið!!! Ég er farin að hallast að því að ég hefði eins getað verið í útlöndum í allan vetur, ég hefði ábyggilega framkvæmt meira þar.

Talandi um maí þá er maður ekki einu sinni komin með vinnu í sumar, þó ég bindi vonir mínar við einn stað..Ég og Helga erum reyndar komnar með ágætis hugmynd um vinnu í sumar, við ætlum að taka að okkur að fara út að ganga með hunda ef allt bregst. Til að nýta svo þekkingu okkar úr sálfræði náminu ætlum við að mæla slefið þeirra og gera rannsókn eins og hann Pavlov vinur okkar, en hvað það verður gaman!!

Eníveis þá ætla ég að leggjast í dvala núna og eiga ástarfundi með bókunum mínum fram að 9 maí... Gangi ykkur öllum vel og verið duglegar að blogga svo ég hafi eitthvað annað að lesa!!!
Hasta luego!!

Dottin ofan í tebolla

2005-04-15T09:37:00.000Z

Heidi og Rob vilja giftast, Rob kallar sig Becky og er á leidinni í kynskiptiadgerd eftir brúdkaupid, Heidi vill verda ólétt ádur en ad Rob verdur kona og foreldrar Heidi afneita henni thvi hún aetlar ad giftast konu sem er karl í bólinu á kvoldin.
Justine svaf hja Jim og vard ólétt eftir one night stand, Jim sá svo systur hennar Justine, Edith og vard svo yfir sig ástfanginn af henni um leid ad hann fékk bara óged á Justine og gerdi thá Edith ólétta líka á milli thess ad dangla reglulega í hana thegar hún "ógnar honum".
Melissa er alveg ad verda gedveik, Gavin elskar sjálfan sig fyrst og fremst og er alltaf 5 tíma á dag í gyminu, á medan faer Melissa ad hanga heima allan daginn á medan Gavin vinnur og fer i gymid, hjá ungabarninu theirra.
Já thad jafnast ekkert á vid breskan lyd og Trishu í bresku morgunsjónvarpi.
Er semsagt aftur dottin ofan í staersta tebolla heims.
Svamlandi um í konunglegu tei, thar sem frahvarfseinkennin heima á Íslandi voru hreinlega ad drepa mig. Med odrum ordum, thá er ég forfallin ástsjúklingur, ég og Heathcliff (ath Wuthering Heights) gátum ekki verid án hvors annars lengur en í 12 daga. Vid thraukudum ekki einu sinni 2 vikur, vid sem aetludum ad reyna thrauka 40 daga, sem aftur minnkadi í 34 daga og urdu svo 12 heilir dagar án arma elskhuga míns. Og dettur mér thá í hug staka thessi:

Hvílík pína,
hvílík hvol,
ástin er bol
mmmh, gott spinat

En já, hér í litla thorpinu, vaknar madur vid dásemdar fuglasong hvern morgun og bílhljod heyrast varla. Slátrarinn kemur á litlum bíl, svona eins og ísbíll, nema med kjoti í (Una thú myndir alveg elska thad) og svo er meira ad segja milkman sem skilur eftir mjolk a hverri nottu! Já ensk sveita rómantík er ekki bara fyrir hana Jane Austen og mér finnst ágaett ad skrifa ritgerdir, thegar ég er laus vid bílahljód Grettisgotunnar og heila oldu af litlum stelpum sem songla McFly í tíma og ótíma.
Jamm og já, ekki meira í bili, best ad fara gera eitthvad aegilega akademískt.
From England with love

Me stupid

2005-04-13T17:20:00.000Z

Ég er endalaus kjáni þegar kemur að því að velja leyniorð og að muna þau.
Tókst að klúðra þessu: mundi ekki eftir leyniorðinu og þurfti því að velja nýtt nafn.
Heiti núna: Sillvester.
Ég sit í vinnunni innan um öskur og læti í fimm krökkum yfir einni vatnsmelónu. Eru að rífast um hver fær stærsta bitann. En svo kemur í ljós að engum finnst vatnsmelóna góð....og skammarsvipirnir sem koma á andlitin! híhíhí! Flest smábörn vilja epli og perur en ávextir eins og appelsínur og melónur eru fyrirbæri sem þau fá mikla klígju yfir.
Ég fullyrði þetta svona því ég er búin að taka eftir þessu í svo rosalega mörgum tilfellum,bæði hér á leikskólanum mínum=Klambrar og líka þar sem ég var....og hjá flestum börnum sem ég hef kynnst.
Hvað er það við epli sem gerir þau svona ljúffeng í útliti og viðkomu????
Ég skil alveg þetta með klígju yfir melónum-þær eru dáldið of blautar og liturinn freaky þegar þú þekkir bara þessar venjulegu útgáfur af gulum,rauðum,grænum og bláum.
En appelsínur! þessir ljúffengu ávextir! jú,þær geta verið súrar og þær geta líka verið undarlegar á bragðið,of þurrar eða of blautar.... jújú, þetta á sér allt eðlilega skýringu.
Epli eru kannski bara svona venjuleg......og þau eru hentug:auðvelt að skera ,bera fram og þau eru borðuð upp til agna! enginn börkur eða vesen...
ónei, stopp stopp....ég er komin í vafasamlega mikið röfl....
Skil ekki hvað ég er að hanga hérna,löngu búin að vinna og þráði fyrir svona klukkutíma að vera heima hjá mér.
Hættið að borða rúsínur uppúr gólfinu!

Sylvester

ps. ELLA! skammastu þín fyrir að fara bara svona strax og án þess að kveðja!!!!
nei, me understand fullkomlega ;) svo kemuru aftur 11.maí???

Loksins skemmtilegt e-mail

2005-04-12T23:08:00.000Z

Stundum þegar ég kíki á tölvupóstinn minn, velti ég því fyrir mér afhverju ég geri það á hverjum degi, þar sem ég fæ aldrei spennandi mail. Eina sem ég fæ eru mail frá nemendafélaginu, kennurum, icelandair (sem væri skemmtilegt ætti ég pening fyrir því sem þeir bjóða upp á) og óþolandi mail eins og plúsinn!!
En í dag urðu tímamót í mínu lífi ég fékk mail sem hét hestur á kerru, og hljóðaði svona...

Sæl Þórunn
Stirnir fer á kerru í kvöld og verður sendur fyrri eiganda
Ekkert varið í hann, veit ekki hvað xxx var að hugsa!!!!!!!!!!!
Kannski er þetta allt Glóu að kenna, ég held að ég sé alltaf að leita að
hesti eins og henni
kk
tengdó
Mikið dj.......er leiðinlegt að kaupa hest
xxx er alveg áhugalaus ég er ekki viss um að honum langi í hest

Jáhá þetta fannst mér skemmtilegt mail og ég lýsi hér með eftir þeim er átti líklega að fá það....
PS. ég breytti nöfnum af tillitsemi við eiganda bréfsins ef þetta skildi vera viðkvæmt mál!!

Good Times

2005-04-09T17:24:00.000Z

Var að koma úr Kolaportinu með herra og frú Trauner, þar sem ég keypti geisladiskinn Áfram Stelpur fyrir hana mömmu mína, gömlu rauðsokkuna. Yljaði það henni mjög um hjartarætur að heyra slagara eins og "Ég á mig sjálf", "Pamela", "Björt mey og hrein" og fleiri og fleiri. Síðan ætlaði ég að kaupa nærjur á Egil en fattaði að þær voru (ó)hreinar nærjur af sölustráknum sem höfðu óvart farið með í pappakassanum, jummí! Kjarri þurfti síðan að passa bás fyrir kunningja í smá stund og seldi e-n rándýran bol á 100kr, kunninginn var ekki parsáttur við það en Kjarri bætti það upp með því að kaupa kaffimalara og ausu af honum og Silja keypti plötur með Geirmundi Valtýssyni fyrir 1000kall. Gott að eyða gráum laugardögum í Kolaportinu.
Núna sit ég og á að vera að læra stærðfræði en er í staðinn að skoða gömul skólablöð úr Laugarnesskóla. Það er greinilegt að skólaleiðinn hefur byrjað snemma hjá mér því í einu blaði fann ég ljóð eftir mig frá því í 9 ára bekk:

Þvílík KVÖL

Að sitja hér í kennslustund,

það léttir ei mannsins lund.

Að læra og púla alla daga

þannig fær maður verk í maga.

Frímínútur eru bestar,

en ekki eru þær nú mestar.

Jahá, svona var ég nú sniðugur krakki. Í öðru frá því í 6 ára bekk segi ég að ég ætli að verða rithöfundur þegar ég verð stór.. Ekki hefur það nú enn ræst og ég held að enginn muni verða það sem hann ætlaði að verða í 6 ára bekk. Jón Arnór ætlaði að verða háls-, nef- og eyrnalæknir (tjaa held ekki...), Helgi Már skáld (að herma eftir mér..reyndar var hann með furðustórt höfuð, hafa kannski leynst skáldsögur þar..), Linda vildi verða hárgreiðslukona (HAHAHA typical Linda:)) Ahhh sakna þess að vera lítil, borða sand áhyggjulaus. Mon dieu!

Over and out

Álfrúne

Ný íbúð en ekkert partý....

2005-04-08T17:28:00.000Z

Sælar vinur og takk fyrir síðast. Ég ætla að hafa þetta mjög stutt í þetta skipti ;)
Það var miklu meira mál en ég hélt að flytja, þannig að ég er ekki tilbúin til að halda hið glæsta innflutningspartý þessa helgi og næstu helgar eru tileinkaðar próflestri. Þannig að það lítur út fyrir að það verði ekki haldið fyrr en eftir 14.maí, en þið megið nú samt alveg halda ykkur heitum fyrir teitið, því að það verður haldið og ég er byrjuð að plana vandræðalegar þrautir fyrir ykkur til að ganga í gegnum!!!
yours faithfully, Una

Dagdraumar

2005-04-08T16:31:00.000Z

Ótrúlegt hvað maður fær alltaf góðar hugdettur þegar námið á að vera í fyrirrúmi. Prófin nálgast og ég get ekki hugsað um annað en flóttaleiðir til fjarlægra slóða í maímánuði. Hvernig líst ykkur á að stinga allar af til NY eftir prófin og njóta lífsins í stórborg með fallegum búðum, þar sem gjaldmiðillinn er lágur? Ummm hvað það væri gaman, ég er búin að tala við Carrie og hún sagði að við mættum gista, og ef það er ekki pláss fyrir alla þá mega nokkrar gista hjá Samönthu!! Sko mín er búin að sjá fyrir öllu, þið þurfið ekkert að gera annað en að pakka niður og koma með (og kannski hringja í bankann og biðja um yfirdráttarheimild, sem er seinni tíma vandamál).
Annars er vikan mín búin að ganga sinn vanagang. Sef yfir mig á hverjum morgni, hvort sem ég á að mæta klukkan 9 eða 12, fer í skólann, þykist vera að læra, hangi meira á netinu að skoða ekkert, borða óhollan mat, horfi á sjónvarpið og þykist læra meira!! Mikið ótrúlega verður gott að komast í sumarfrí og losna við þetta króníska samviskubit yfir engum lærdómi...
Annars ætlum ég og Helga að kíkja á kaffihús í kvöld og hreinsa hugann ef einhverjum langar memm... Þeir sem koma með fá kannski að heyra um Persistent Mullerian duct-heilkennið og trúið mér þið viljið ekki vera með það!
God bless jú all!

Sillie vill vera með

2005-04-07T10:12:00.000Z

Howdy ho my friends!
Loksins eyddi ég ekki út öllum junk-póstinum og sá því e-mailið frá Tótu (til að skrá sig inná blogsíðuna). Ég er þá orðin opinber zvínka....
Verð samt ekki dugleg að rita og lesa fyrr en ég kemst oftar á netið,eini staðurinn sem ég hef alltaf aðgang að neti er í vinnunni, en það er takmarkað.
Það var virkilega gaman hjá okkur á föstudaginn!!!
Ég fer að framkalla myndir bráðum og það hlýtur að vera hægt að skanna þær inná síðuna okkar.
Ábyggilega skrautlegar ...
Steinunn búin að redda okkur báðum vinnu á Skjá 1- sem plötusnúðar í DJÚPU LAUGINNI! míhahahah! við ætlum að taka þessari vinnu...fáum pening og líka öl. Þetta er hvern einasta föstudag....híhíhí! hvað erum við að spá Steinunn???
Sem betur fer erum við bara á sama stað og áhorfendur en ekki uppá sviði innan um keppendur. Það gæti ég ekki. Værum að bendla okkur of mikið við þátt sem ég fæ vandræðahroll af að horfa á....
Næsta miðvikudag fer ég að skrá mig í Norræna félagið og þá gefst tækifæri til að leigja Norske hytten í Heiðmörk. SKulum þá allar herja þangað-en SLEPPUM andaglasinu! Tökum í staðinn með fondue-pottinn sem ég fann um daginn í antik-búð-alvöru 60's pottur með sprittkveiki.Enda ekkert rafmagn í bústaðnum.
Ciao alle sammen.

Partý partý

2005-03-30T20:51:00.000Z

Kópavogsbúarnir ætla að lána okkur húsið sitt fyrir skemmtanahald á föstudaginn, með því skilyrði að við pissum ekki á gólfin. Sveittar skinkur vinsamlegast boðið komu ykkar á commenta kerfinu annar fáiði engan mat!

Comeback Ellu!!

2005-03-29T20:43:00.000Z

Ég vil byrja á því að óska Álfrúnu, Unu og Ellu til hamingju með sýnar fyrstu opinberanir, vel af sér vikið stúlkur!! Þið stóðuð ykkur vel, þrátt fyrir smá tæknilega örðugleika hjá Álfinum, en þetta er fínt fyrir þá sem skilja íslensku ekki vel og geta því lesið bloggið hennar tvisvar og öðlast djúpan skilning á hugsunum Álfsins. Ég ásamt nokkrum öðrum meðlimum erum búnar að ræða hvort væri ekki tilvalið að halda hið margumtalaða asíska matarboð á föstudaginn?? Ella tók allavegana vel í það og segist eiga góða uppskrift af víetnamskri súpu og svo á ég líka afar góða uppskrift af tælenskum kjúklingarrétt!! Hvað segiði um þetta plan? Eina vandamálið er húsnæði en er einhver sem bíður sig fram að redda því? Látið endilega í ykkur heyra og við getum jafnvel haldið atkvæðagreiðslu á netinu þegar líða tekur á vikuna, úúú hvað það væri skemmtilegt!!
Lifið heilar!

Opinberun Unu

2005-03-29T19:53:00.000Z

Húff.. Það lekur af mér svitin, stressið er alveg að drepa mig.... Ég hef aldrei, aldrei skrifað hugsanir mínar svona opinberlega og hef ég slæma reynslu af því þegar dagbókum mínum var stolið þegar ég var á mjög viðkvæmum aldri og allir vissu hvað Una var að hugsa þegar ég síst mátti við því. En sálfræðingurinn minn (Tóta) mælti eindregið með bloggi til að opna mig aðeins og gleyma þessari slæmu og bitru reynslu úr barnæsku...
Mjög rólegt páskafrí hjá mér, hvorki Ísafjörður, York né Barcelona. Bara hellirinn í Kópavogi, Erfðaréttur og sjónvarpið. (Ella ég hef samt farið í víkingasafnið, á ennþá víkingapening frá því sem ég er mjög stolt af... vonandi fékkst þú ekki líka þannig, þá myndi shænið á peninginum minum algerlega hverfa fyrir mig!!!). Afrakstur páskafrísins er sem sagt þynnka af inniveru og sjónvarpsglápi og það að þið mínar ástkæru getið leitað til mín, til að gera erfðaskrá fyrir ykkur. (en þá er kannski skemmtilegra að fara bara til Steinku og láta hana gera tölvu fyrir sig...)
Það er mjög ofarlega í huga mér þessa daganna að vera að fara að flytja. Eftir nákvæmlega eina viku verð ég sem sagt á nýju heimili við Eggertgötu, sem er helmingi stærra en kjallarinn, sem þýðir að ég get stækkað um helming án þess að finna fyrir því.. þegar ég er heima meina ég þá..uhhh. Þetta auðvitað gerir það að verkum að ég hef mikið velt fyrir mér partýjum í þessu nýja húsnæði, því að ég hef algerlega misst hæfileika mína úr menntó að halda tryllt partý, hvenær sem þörf var fyrir, og með aldrinum hafa jú djammhæfileikarnir líka farið dvínandi. En ég hef hins vegar lofað óspart að þetta muni allt breytast þegar nýr kafli í lífinu hefjist og ég verði aftur komin í labbfæri frá barnum. Og ég stend ennþá fast við það að smá djammdru... muni óhjákvæmilega koma upp í minni. En allavegna að partýhaldi aftur, þá er ég að velta fyrir mér að halda kannski innflutningspartý þarna helgina eftir, en það á allt eftir að koma betur í ljós og ég þarf auðvitað að ræða þetta við samleigjandann. Það verður auglýst nánar hér á næstu dögum.
Ok. ég held að þetta sé komið nóg af opinberun í bili og hvet ég aðrar svínkur til að fara að drífa sig í að opinbera hugsanir sínar sem allra fyrst. Mér líður strax betur. Takk Tóta...
Auk þess vil ég opna umræðu um hvað skal gera í tilefni heimkomu okkar einu sönnu ástarkara(m)ellu. Og mér finnst bara ansi góður vettvangur hér á okkar eigin bloggsíðu til að velta vöngum yfir því.... let´s get it started girls!

Að lokum vil ég kveðja að hætti króatíubúa; "ok. thank u and byebye...." Una

zu belle pa barcelona

2005-03-29T18:52:00.002Z

Já á meðan sumir eyða páskunum á Ísafirði þá eyða aðrir þeim í Barcelona. Semsagt ég. Álfrún. Eftir 9 daga af góðum mat, fallegum búðum, puta, kss kss og rubia þá er förinni haldið heim til Íslandsins góða í fyrramálið. Mikið kaupæði hefur runnið á mig þessa daga sem ég hef dvalið hérna og síðustu klst áður en búðirnar lokuðu áðan var ég í algjörri maníu að kaupa alls konar "ómissandi" dót sem mig vantaði nauðsynlega. Afrakstur dagsins: Gulrótarbuxur, 2 pör af skóm, 2 stk pæjubolir, nokkrir eyrnalokkar, mussa og hár vísa reikningur, stress og magasár.. Neyslubrjálæði nútimamannsins er til skammar, já til skammar segi ég !
En jæja ætli ég verði ekki að drífa mig að koma öllu þessu dótu fyrir í töksunni minni en munið ef ykkur vantar föt fyrir hvaða tækifæri sem er þá er tilvalið að hringja í síma 868-7676 og spyrja um Álfrúnu.
Sayoonara og sjáumst um helgina
Alfí

zu belle pa barcelona

2005-03-29T18:52:00.001Z

Einu sinni fór ég vestur

2005-03-28T22:02:00.000Z

Þá er borgarbarnið sjálft komið aftur til borgarinnar, uppfull af krafti til að takast á við síðasta mánuðinn í skólanum og mun betri í landafræði en fyrir 3 dögum. Allavegana veit ég núna hvar Hólmvík er, að Suðureyri er í Súgandafirði og að Ísafjörður er í Skutulsfirði!! Ég legg til að hinar sveittu svínkur (eða skinkur) verði duglegar að ferðast um landið í sumar, svo við getum allar sagst vera góðar í íslenskri landafræði. Allavegana stofnuðum við sem lögðum land undir fót klúbb sem við ætlum að nefna Aldrei fór ég... sem ykkur öllum er velkomið að vera með í!! Ísafjörður stóð allavegana fyrir sínu þó svo að tónleikarnir hefðu nú mátt vera lengur, en þeir kláruðust klukkan tvö!! Slík boðar nú ekkert annað en fyllerí og vitleysu. Í stuttu máli sagt þá endaði kvöldið okkar á pöbb sem heitir Langi mangi, í risa partý þar sem steinka gubbaði shusi á borð, á heimavist í partýi með hljómborði og með leigubílstjóra sem reyndi að svindla á okkur.... Mikið fjör og mikið gaman!
Skrítið hvað ég missti af páskunum í ár, er engan veginn að gera mér grein fyrir að það hafi verið páskar. Kannski er það vegna þess að ég fékk ekki páskaeggið fyrr en í dag, sem minn yndæli bróðir er reyndar nánast búin að klára eftir að ég skildi það eftir í sama herbergi og hann í klukkutíma!!! Veit fólk ekki hvaða hugtakið eignir annara þýðir!!!!
Peace hó!!

gledilega paska

2005-03-26T19:30:00.000Z

Hallo elsku bestu svinkur,
thetta var god hugmynd, bara orfair dagar thangad til eg kem heim a klakann, yikes... mjog blendnar tilfinningar vardandi thad ad koma heim, en ja thid sem ekki vitid, tha kem eg heim um kvoldid thann 31. mars. Thid verdid ad djamma med mer thann fyrsta :D. Annars verd eg mjog svekkt.
Eg og James vorum i York i gaer og fyrradag ad turistast, mjog gaman, forum i Jorvik centre, vikingasafnid, thar sem madur ferdast um i svifandi vagni ofan i jordinni um gomlu vikingarustirnar sem fundust thar og allar vikingadukkurnar tala islensku, hehe, mjog speisad. Svo forum vid a djammid i york a crazy stad sem heitir Evil Eye og allir sem ad unnu a stadnum voru masokistar, thvi thau voru oll ut i brjaludum orum og sarum :S. Furdulegt.
En jaeja :D eg tharf ad fara elda lasagne med jami minum.
Ast a bleiku skyi fra mer

Tæknivæðingin tekur öll völd

2005-03-25T10:12:00.000Z

Loksins eru sveittu svínkurnar orðnar tæknivæddar og geta nú farið að tjá sig um menn og málefni á netinu sjálfu. Túrban og Steinkan ákváðu að láta þennan draum verða að veruleika á þessu góða kvöldi skírdags sem átti reyndar, ykkur að segja, að vera lærdómskvöld. Ótrúlegt hvað manni dettur ekki í hug að gera þegar maður á að vera að læra!! Vona að þetta veiti okkur öllum smá lit í tilveruna og lífsgleði, hvort sem er í leiðinlegum tíma í skólanum eða bara þegar okkur langar til...
Jæja þetta verður ekki lengra í bili, njótið vel!